Popular Bible Verses from 2 Tes 2

Share

Maa awach taq injot'wik aweh, ruum noq komajaa' ink'ulik i ruka'peech kopeet naarixowjiik wach i Dios kuum i tinamit, re' noq naaruk'uliik i loq i winaq i yiib' wach i runa'ojb'al, re' i naaruye'ariik pantojb'al mahk.

Eh re' hoj i ruk'ul chi eliik naa qat'iosem ree Dios taq chawiij hermano, i hat taq ruk'axam i QaJaaw, xusik' taq chaawach i Dios pampeet. Reh chi naa taq areqem ko'lemb'al reh taq awánima parub'ihnaal i Santolaj Uxlab'al, re' inye'wik taq chaaweh i santohiil, eh ruum chi xanimaj taq i korik.

Eh re' i aj ixowaal re' re' inixowanik kiwach i kiq'orik rib'iral i ruk'uhb'aal i Dios i ruk'ul chi looq'jiik, imponik rutzunaa' riib' chupaam i rupaat i Dios, je' tii chik i Dios i rub'an riib' ar.

Chi re' QaJaaw Jesucristo ruch'ihil i Ajaab'ees Dios, re' i QaJaaw, ixk'axwik cho qeh ruuk' i rotob'il, xuyeew rusuqkiil qak'ux reh i juneliik, eh xuyeew qeh jinaj i ch'iklik reje wii' qak'ux. Re' ta naq i keh neekiye'wik rusuqkiil taq awánima, neekiye'wik rukowiil taq ak'ux, reh chi holohik taq chu'nchel i naa aq'orom, taq i na a'nam.

Ruum aj re', re' Dios i ruyeew q'ab' chi kijot'ariik ruum i yiib' wach na'ojb'al. Eh re' re' minwik keh chunimjiik i xachukuj q'orik

Re' na' k'oloq i ma' tob'laj winaq re' re', re' i aj Yahm naa rutoob'iniik reh. Eh ruuk' i rajaawriik naaruk'uhtaam i xa reh reh wach chi ma' ilooj taj, eh naa ruk'uhtaam i sachb'al k'uxliis re' ruuk' i ma' korik taj. Eh chu'nchel i yiib' wach na'ojb'al naa rukojom chi jot'b'al keh i ojik inki a'n pantojb'al mahk. Ruum re' keh ma' xkik'ul taj, eh ma' xkik'ax taj i korik, re' naq i naa ruko'liniik keh.

Re' rukamaj ruyejaam wach chi q'eeqmaal i ruwinqilal i yeb'ee wach na'ojb'al re' re' xutoq'aa' chik kamanik. Xa re' la', komajaa' ta niik' naah i rub'an, ruum k'ahchi' ruy-eem chi naa rehtesjiik i loq chuwach inq'ilwik reh yu'naak.