Popular Bible Verses from 2 Kor 7

Share

Re' rukuyariik i ruti'kiil k'uxliis je' rukab' imponik chuwach i Dios, inkamanik chi jalb'al wach i na'ojb'al, eh inkan i ko'lemb'al iib'. Eh ma' xta chik ruti'kiil k'uxliis inwihik, eh re' ruti'kiil kik'ux inwihik i ma' nkinimaj taj i Dios, pankimik kik'amariik ruum.

Hat taq loq'laj nuhermano, ruum chi ruq'orom rib'iral qeh i Dios taqe i wili. Inchol qakanaam chu'nchel i yiib' wach na'ojb'al inch'uwa'risanik wach i qati'jolal jumpa'liik, inch'uwa'risanik wach i qánima. Reh chi neenqayohleej i Dios, eh neenqareq qa santohiil chi manlik.

Yu'naak i hin suq chik nuk'ux, ma' ruum ta chi xuyeew taq reje ruti'kiil ak'ux. Suq la' nuk'ux, ruum xaq'asaj taq awiib' ree Dios chi korik ruum i ruti'kiil taq ak'ux xwihik. Re' taq i hat xa a'n taq rukuyariik i ti'kiil k'uxliis je' rukab' imponik chuwach i Dios, eh xakoj taq rehtaal chi ma' re' ta ti' ixqa a'n taq aweh.