Popular Bible Verses from 1 Tim 4

Share

Mayeew q'ab' chi neenkiyeew chi re' chi ma' re' ak'ijolal. Chak'uhtaaj la' i holohik laj na'ojb'al chikiwach i aj nimaneel ruuk' aq'oral, ruuk' i na a'nam, ruuk' i k'axooj, ruuk' i nimanik, ruuk' i rusaqiil wach ak'achariik.

Re' rutijiik i xa chib'ih k'o'nikaal xa reh i ti'jolal inkamanik. Raaj i rub'anariik iraaj i Dios reh i ruyeew qeh i suq laj k'acharik ayu', eh je' wo' chupaam i junch'iht chik chi k'acharik.

Chawik'raaj awiib' i hat cha wib'il awiib', je' wo' ruuk' i k'uhb'alinik naa a'nam, re' taqe re' naa a'nam. Wila' xa a'n taqe re', neetiko'ljik i hat, eh nee wo' kiko'ljik i neeki-ib'irinik reh i naa aq'orom.

Re' Santolaj Uxlab'al i xuq'or i korik chi pan tz'apaab' ponoq wach reh i q'iij wilik i naa ruyojiik kik'ux chunimjiik i korik laj k'uhb'aal. Re' chik taqe i uxlab'al i kib'anik jot'ooj naakinimam, eh re' chik naakinimam i tijinik inchalik kuuk' i aj Yahm.

Eh manimaj aweh i hat taqe i yiib' wach k'utaaj imb'aan, re' taqe i xa memil laj q'orik. Chachop la' ak'ux chub'anariik iraaj i Dios.

Noq komajaa'-oq kimponik i hin, re' hat chawilow paam i Santolaj huuj chi kixikin i taqe aj nimaneel. Chayeew rukowiil kik'ux, eh cha tijej taqe.