Popular Bible Verses from 1 Pedro 5

Share

Eh chu'nchel i tiqajik taq wii' kapeew cha kanaa' taq pan q'ab' i Dios, ruum re' reh intoob'inik taq chaaweh.

Eh noq hat taq chik ik'inaq k'isinoq chi ti' k'axik, re' Dios xsik'wik cho qawach ruuk' i ruk'axb'al naa rumanaam wach rukorkiil taq wach awánima. Eh naa taq ruye'em rukowiil ak'ux, naa taq ruye'em akowiil. Eh naa taq kaat rucha'jeem chi korik, reh chi naaqehtriik haa' chi juneliik i ruloq'il.

Eh wilik-oq taq ana'ojb'al, xa eliik-oq na'lik taq aweh, ruum re' aj Yahm inixowanik taq awach, k'ul inooj chusik'ariik chi riij nik' wach noq naa taq ruq'atam panab'eeh, je' rukab' i rub'an i kaq b'ahlam k'ul inooj chusik'ariik awach i naa ruk'uxum. Chakuy taq ransil i pajarik. Kow-oq taq ak'ux chunimjiik i Dios, ruum aweht'al taq i hat chi je' wo' re' i ti' k'axik k'ahchi' kik'ulum taqe awuch hermano wilkeeb' sut i wach ak'al.

Je' re' noq, chaloch' taq awiib' ri'si rooq ri'si q'ab' i Dios nim rajaawriik, reh chi nee taq i ruyeew runimaal awach na' chureq ruq'ijil.

Je' wo' taq i hat k'ijolaq, tinimanoq taq chikiwach i kitowik parukamaj i Dios. Eh k'ul taq cha nimaj awiib' ruuk' chaq'lamiil, ruum pan santo laj huuj i ruq'or chi je' wili: Re' Dios ma' imponik ta panaq'wach taqe inkinimb'isaj kiwach. Eh re' taqe i chaq'laam i ruyeew i rotob'il chikinaah, inki.