Popular Bible Verses from Apoc 2

Share

Palta 'ay wal jab' in c'ojloc 'ayex, yujto man̈x lajnoc e chamc'ojlal 'icha 'a yic b'ab'el.

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.

Man̈ ex xiw yuj jun tzo'n̈ yailal 'oj jawc 'a eyib'an̈. 'Ayx 'oj eyajx 'och 'a preso yuj win diablo. 'Ixta 'oj ex yutc win ex ya'n prowal. Lajn̈e c'u 'oj eyab' syail. Palta yiclumn̈ej tzeyutj e b'a, masnto 'oj e chami. Toto 'ixta 'oj eyutc e b'a, 'oj wac' spac 'ayex, atn e q'uinl 'a jun 'ejmn̈ej.

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Wojtac, jantcn̈ej tas tze b'o'o. Wojtac, caw yelc'ojlal tzex munlji, caw niwn tzeyutj e c'ojol. Ax eb' maysch'olnil, caw matz e chaj 'och eb' 'a e cal. Wojc paxi, xlaj eya'lj prowal eb' tzcob' yalch sb'a in checb'oc. 'Ix 'ilchj 'el eb' eyu'uj, chajtlto yes eb'.

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.