Popular Bible Verses from Pr 9

Share

Toto tzqui nib'jec jelnal, yowlal 'ay yel'ch Jehová 'a qui satec. Toto tzqui nib'jec to 'ay qui naben, yowlal tzcojquejec 'el Dios, to Cojxn Niwn Yel'chi.

Toto tzqui tenc 'och wan eb' b'uchwjum, 'oj 'och eb' 'ajc'ojlal 'ayn̈ec, palta toto tzca'c cuenta eb' 'ay snab'en, caw 'oj on̈ schamc'ojloquec eb'.

Toto tzqui cuyc eb' jelan, yel xo caw jeln 'oj 'aj 'el'ch eb'. Toto tzqui cuyc pax eb' wach' snab'en, 'oj wach' tz'acwoc snab'en eb'.

Yuj wal jelnal cha, caw najtl tzon̈ 'e'c 'a yolyib'n̈q'uinl tic, tznajtxb'i wal qui q'uinal.

Toto tzca'c cuenta eb' b'uchwjum, cojxn tu paxti'al 'oj sc'an eb' yal 'ayn̈ec. Toto tzca'c cuenta eb' maysch'olnil, ton̈j 'oj qui b'ajxec yuj eb'.