Popular Bible Verses from Pr 4

Share

Tza ya'ilj a nab'en 'a yib'n̈ smasnil tas 'ay 'a yolyib'n̈q'uinl tic, yujto a 'a nab'en cha, a tzach 'i'n b'ey 'a swach'il mto 'a stu'al.

Si'mb'il wal tza na tas tza b'eylb'ej, man̈ comnoc tzach 'at 'a scal maysch'olnil.

Man̈ a'ch a b'a 'a'm 'esal, 'actj can aln jun tzo'n̈ cha.

'Ac' ep a sayn 'ec' jelnal, yujto 'ec'b'al yel'ch 'a yib'n̈ smasnil tas. Yet' smasnil a c'ojol, tza'n 'och a nab'en 'a 'a.

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha. Palta ax eb' maysch'olnil cha, a sb'eyb'al eb', lajn wal 'icha q'uic'q'uinal, yuj cha, matz yil eb' 'aj tztench eb' yoc.

'Ij a jelnal yet' a wach' nab'enal, man̈ ac' sat a c'ojl 'a jun tzo'n̈ in cuynb'il tic. Man̈ actc a b'eylb'ani, to 'ixta', may tas 'oj e'ni. Tzaljan̈ yet' jelnal, man̈ a patquilc can 'eli, yu'uj ax a colchj can 'eli.

'A'ch a nab'en 'a jun cuynb'il tic, man̈ actc cani; yelc'ojlal tza b'eylb'ej, yujto a 'oj 'a'nc a q'uinal.

Man̈ ach 'och tza'n yuj eb' maysch'olnil sb'eyb'al, man̈ a b'eylb'oc sb'eyb'al eb' cha.

Ex wunnal, chajec eyab' tas 'oj wala'; macljec eyab'i', sec wach' 'oj eyutc e b'eyb'al.