Popular Bible Verses from Pr 29

Share

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

A 'aj matz 'ab'x spaxtin eb' schecb' Dios, tzb'on̈j eb' 'anma smasnil maysch'olnilal, palta ax eb' yiclum 'a sley Dios, caw wach' yic eb'.

A mach may snab'en, a yic 'ay cot yowal, tojln̈ej sb'on 'icha tas nab'il yu'uj, palta a mach 'ay snab'en, tztac' syamn 'och wan sb'a yet' yowl sc'ojl cha.

A mach tzyab' syail yic tz'ajx cuenta, 'oj jawc snab'en, ax junc 'unnab'il matz 'ajx cuenta, tzyac' sq'uixwloc snun.

'A'c cuenta eb' eyunnal, sec 'ay e junc'ojlal yuj eb', to 'ixta', tzaljc'ojlaln̈ej eyico'.

A mach tzyij chan̈ sb'a, 'oj 'ijxoc 'ejmi, ax mach 'emmquilal tzyutj sb'a, 'oj 'ijxoc cha'an̈.

A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.

A junc may snab'en, wach' to yic 'a yib'n̈ junc amancotn spaxtini.