Popular Bible Verses from Pr 15

Share

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

A mach 'ay yel'ch Jehová 'a sat, caw tzq'uib' sjelnal; toto tznib'j to niwn yel'chi, yowlal 'emmquilal tzyutj sb'a b'ab'el.

A paxti wach', tzyac' sniwnal qui c'ojlec, 'icha to tzon̈ ya'c pitzwoc; ax paxti maysch'olnil, tzon̈ yixtjec 'eli, caw wal tzyab' qui pixnec syal yu'uj.

Toto matz cham wal qui c'anb'nec 'ec' junc tas, a tas tzqui na'a, caw tzjuw 'eli; ax toto tzqui chajec cab' wach' nab'enal, caw wach' tzon̈ 'ajc 'el'chi.

A mach tzalji, tzewj sat, ax mach tzcusi, cusltac yilx sat cha.

'Ayc'n̈ej Jehová 'a smasnil lugar, q'uelnn̈ej 'och 'a eb' wach' yet' 'a eb' maysch'olnil.

A junc meb'a to 'ay yel'ch Jehová 'a sat, yel xo wach' yic 'a yib'n̈ junc rico to somc'ojlaln̈ej yaji.

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

A mach tojl snab'en, tzna wal si'mb'il tas tzyutj ta'wc sb'a; ax junc tu snab'en, caw matz na sb'a yaln jun tzo'n̈ tu paxti'.