Popular Bible Verses from Pr 13

Share

Toto jun tzon̈ 'e'c yet' eb' wach' snab'en, caw 'oj qui jelnb'iec; ax toto a yet' eb' tu snab'en tzon̈ 'eq'uec, 'oj qui satc 'eli.

Toto tzqui nac qui b'a qui paxtini, mun an̈ tzqui tan̈wjec qui b'a; ax toto tz'e'x 'a yib'n̈ qui paxtinec, mun an̈ec tzquixtj 'el qui b'a.

A mach may schamc'ojlal 'a yunnal, matz yac' cuenta yunnal cha; ax mach 'ay schamc'ojlal 'a yunnal, caw wal tzyac' cuenta yunnal chi 'a yic yune'al.

Toto matz 'el'ch tas tzca'c 'och yipc qui c'ojol, caw tzjaw qui cusc'ojlalec; ax toto tz'el'ch tas tzqui nib'jec, caw wal tzon̈ tzaljec.

Toto tojl qui b'eyb'alec, may tas tzon̈ 'i'ni; ax toto may qui ch'olnilec, caw wal tzquijec cot 'a quib'an̈.

A ricoal yajn̈j cha tzniwtj yuj maysch'olnil, yajn̈j wal cha tzsatx can 'ejmi; ax ricoal to c'ojnc'ojnil tzyam sb'a yuj munljel, caw tzniwtj cha'an̈.

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

A eb' 'unnab'il wach' snab'en, tzchaj eb' yab' tennb'il tzyal smam 'a 'a; ax eb' tzyij chan̈ sb'a, matz chaj eb' yab'i'.

A meb'a'il yet' q'uixwc'ojlal, a tzjaw 'a quib'n̈ec toto matz qui chajec cab' junc tennb'ilal tzalx 'ayn̈ec; ax toto tzqui chajec cab'i', caw tzon̈ alxec wach'il.