Popular Bible Verses from Mr 6

Share

Xlajw xoj yaln eb' jun tzo'n̈ cha, xyaln Jesús 'a eb' 'ixtic: —Coyc qui ch'ocj 'a junc lugar 'aj may 'anma', sec tzquijec jac quip ta', xchi. —'Ix yal 'ixta', yujto may scolnal eb' yuj eb' 'anma', til wal eb' tzjawi, 'ay eb' tzpaxx cani, caw may scolnal eb' swa jac yuj eb'.

Palta xyaln 'a eb' 'ixtic: —A eb' schecb' Dios, 'ay yel'ch eb' 'a sat eb' 'anma smasnil. Palta ax 'a sat eb' yit chon̈ab', yet' 'a sat eb' smam yu'tac, yet' 'a sat eb' jun yaj yet' 'a yol yatut, may yel'ch 'a sat eb', xchi Jesús.

Ax yic x'elt Jesús 'a yojl te barco cha, 'ix yilni til wal 'anma 'ayx 'ec' ta'. 'Ix 'o'ch sc'ojl 'a eb', yujto lajn eb' 'icha jun tzo'n̈ calnelu may yilmal, yuj cha, 'ix syamn 'och scuywj 'a eb'.

Ma'ix stac' wal sb'on jun tzo'n̈ milagro ta', cojn 'a yib'n̈ jaywn̈ eb' ya'ay 'aj 'ix ya't sc'ab', yic tzb'ox can sc'ojl eb'. 'Ix sat sc'ojol yujto ma'ix ya'ch eb' sc'ojl 'a 'a. Xlajw cha, x'ec' cuywjoc 'a jun tzo'n̈ aldea 'a sla'nil schon̈ab'.

Xlajw cha, 'ix syamn chan̈ Jesús o'e pan yet' chac'otn̈ chay cha, 'ix q'ue q'ueln 'a satcha'an̈, 'ix ya'n yuj diosal yu'uj. 'Ix sch'iyn 'ixm pan cha, xlajw cha, xya'n 'a eb' scuywum yic tzpojn 'ec' eb' 'a eb' 'anma cha. 'Ix spojn pax 'ec' eb' chac'otn̈ chay chi 'a eb' smasnil. 'Ix wa eb' smasnil, caw xb'ut'j eb'. Ax yic xlajw swa eb', 'ix 'ec' smolb'tzan can pax eb' scuywum Jesús jantc 'ix can yuj eb' 'anma cha, 'ix b'ut'j can pax lajchwe xuc xyac' sobra. 'Ixta x'aj 'ixm pan chi ya'n sobra yet' no chay cha.