Popular Bible Verses from Mt 22

Share

Yuj cha, xyaln Jesús 'ixtc 'a winac: —Chamc'ojlejc Cajlil qui Diosalec yet' smasnil e c'ojol, yet' smasnil e pixan yet' pax smasnil e nab'en. Atn jun b'ab'l checnb'il tic 'ec'b'al yel'ch 'a yib'n̈ smasnil. Ax junx schab'l checnb'il, quen man̈ lajnoc yel'ch yet' jun tic, 'a 'aj tzyal 'ixtic: Tze chamc'ojlej eyit 'anma'il, 'icha tzeyutj eya'iln e b'a, xchi.

Toto tzqui yiclj chab' checnb'il tic, tzyal 'el'chi, wan qui yiclni sley Dios smasnil, yet' jantcn̈ej tas tz'ib'b'il can yuj eb' schecab', xchi 'a winac.

'Ixta tzyal jun 'ab'x tic, yujto til wal mach 'awtb'il yuj Dios, palta jaywn̈n̈ej eb' tzsi' cha'an̈, xchi Jesús 'a ewinac.

Yujto a yic 'oj pitzwc pax eb' chamnac, man̈x 'oj laj yi'lac sb'a eb'. Man̈x 'oj 'ajxoc junc 'ix yistloc junc winc ta'. Yujto lajn 'oj 'aj eb' yet' eb' ángel 'ay 'a satcha'an̈.

Ch'oxc wil junc tumn tz'ajx 'a win yajl cha, xchi 'a eb'. Yuj cha, xch'oxn eb' jun tumn chi 'a 'a. 'Ix sc'anb'n pax 'ixtc 'a eb': —¿Mach yechl jun tic 'aych 'a sat jun tumn tic? ¿Mach sb'i pax jun tz'ib'b'il 'och tic? xchi 'a eb'. —Atn yechl win yajl 'a Roma, yet' sb'i tic, xchi eb'. —A tas yic xon win yajl cha, 'a'c 'a winac. Palta a tas yic xon Dios yaji, 'a'c 'a 'a, xchi 'a eb'.