Palta 'ix alx 'a eb' 'a swayich, to man̈xtzac 'ec' yal eb' yab' win Herodes. Yuj cha, chuc junx b'e 'aj xpax eb', 'ix c'ochx eb' 'a schon̈ab'.
Xlajw spax eb' mago cha, 'ay jun yángel Cajlil 'ix ch'ox sb'a 'a José 'a swayich, 'ix yaln 'a 'ixtic:
—Q'uen̈ wa'an, 'ij 'at win 'unn tic et'oc, yet' snun winac. 'Eln̈ec muc'uc, 'ixquec 'a Egipto. Cann̈ecn̈ej ta b'el, masnto an 'oj wal 'ayach, yujto 'oj yac' win Herodes sayxc 'ec' jun 'unn tic yic tzya'n milxoc, xchi jun ángel cha.