Popular Bible Verses from Job 2

Share

Palta ax 'ix yistzil winac, 'ix yaln 'ix 'a win 'ixtic: —¿Tas cob' yuj an̈ja wach' tzotj a nab'en? B'uchwjan̈ 'a Dios, tztac' cab' a chami, xchi 'ix. Yuj cha, xyaln win 'ixtic: —Ach 'ix, a wal tzwab'i, lajn a paxtin yet' eb' 'ix 'ix may xon jac snab'en. An̈ tic, tox xqui chaj smasnil syaxilal Dios. ¿Tom at wal yailal ma'oj qui cha'? xchi winac. Wach'xam 'aych syailal Job, palta may tas tu 'ix yal 'a spatc Dios.

Yuj cha, xyaln Jehová 'ixtc 'a winac: ¿May am 'aj 'ix 'elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil. O'oj 'ix in satn 'el smasnil tas 'a winac, palta man̈ yujoc cha, sjun win snab'en, xchi Dios.

'Ix yaln Jehová 'ixtc 'a winac: —'Ixta cab' tz'aj 'an. 'Ilto tas tzotj a b'a yet' sniwnal winac, cojn b'i'an may aln ec a milni, xchi Dios 'a winac.

'Ay 'oxwn̈ swach'c'ojl Job, atn eb' tic: Win Elifaz cajn 'a yol yic Temán, win Bildad cajn 'a yol yic Súah, yet' win Zofar cajn 'a yol yic Naamat. 'Ix yab' eb' speclal to 'ay jun tzo'n̈ yailal chi xjaw 'a yib'n̈ winac, yuj cha, xya'n 'och eb' 'a sc'ojl scot wul yac' sniwnal sc'ojol, yic tzmol cus eb' yet' winac. 'Ayt wal sjaw eb', xyiln cot eb' win Job 'a najat, teb'il xyilch eb' win yuj syailal cha, yuj cha, syamn 'och eb' yoc' yuj winac. Caw tzcus eb', xlaj stzilnjat eb' spichul, sjob'n chan̈ eb' pococ 'a cha'an̈, ax 'a sjolm eb' xlaj 'emx lu'um. Ax yic xjaw eb' 'a stz'ey winac, 'ix 'em wocn eb' 'a sat lum yet'oc, uque c'u uque 'ac'wl xcann̈j eb' yet' win ta', may xon junc eb' tzpaxtini, yujto caw wal ow ya'n syailal win tzyil eb'.