Popular Bible Verses from Jer 8

Share

¿Man̈x am wal sb'omb'il 'a lum Galaad? ¿May am wal junc mach tztac' yan̈tn ta'? ¿Tas wal yuj matz tac' yan̈tx eb' wit chon̈b' tic?

Ach Jeremías, al jun tzo'n̈ in paxti tic 'a eb' et chon̈b' tic, an Jehová in, an tzwal 'ixtic: Q'uinloc 'ay junc mach tztelwi, tzq'uexwan jun 'ejm xo. Q'uinloc 'ay junc mach tzsat 'a junc b'e, tzmeltzj pax 'a spatc jun 'ejm xo.

A e no cigüeña tz'ec' 'a satcha'an̈, yojc e no stiempoal b'a'n̈ tzmeltzj e no 'a yet'ul. An̈jtona e no cowojte', e no pechul, yet' e no grulla, yojc e no', b'a'n̈ tz'at e no 'a junc xo lugar. Palta ax xo tic ex in chon̈ab', caw man̈ eyojcoc jac in ley.

'Ix in maclj wal e paxtini, 'ix wab'ni chajtlto may junc ex tzex paxtin 'a stojlal. May xon junc ex tze na e b'a yuj e mul, yic tzeyaln 'ixtic: ¿Tas wal xin b'o'o? man̈ xe chioc. Caw wal tzeyac' eyip e 'atx can 'a e b'e e masnil, 'icha wal tzyutj no chej ya'n 'ip s'at 'a owal.

A eb' tzyal jelnal sb'a cha, caw 'oj q'uixwc can 'el eb'. 'Oj xiw eb', 'oj somchjoc can 'el eb', 'oj jawc 'a yib'n̈ eb'. Yujto spatquilj can 'el eb' in paxti', yuj cha, may xon jac sjelnal eb'.