Popular Bible Verses from Is 55

Share

A Jehová a tzaln 'ayx 'ixtic: A tas nab'il wu'uj, man̈ lajnoc yet' tas tze na ax tic. A tas tzin b'o'o, man̈ lajnoc yet' tas tze b'o'o.

A in nab'en cha yet' tas tzin b'o'o, yel xo wal 'ec'b'al a yib'n̈ eyico', lajn wal 'icha schan̈il yajb't satchan̈ 'a yib'n̈ eb' lum niwc witz.

'A'c 'och Jehová yipc e c'ojol, ya' sb'a chab'ilx to yu'uj, 'awjan̈c 'a 'a, ya' sb'a to la'nto yaj 'a e tz'ey.

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Xyaln pax Dios 'ixtic: E masnil ax 'ay e tacn̈ti'al, cotn̈ec wul 'u'jec a', ax may e tumin cotn̈ec 'a tic, wul chajec tas tze c'ux 'a nab'an̈ej, wul chajec yal uva yet' lech tzeyuq'uej, may stojl tzc'anx 'ayex.

A 'in paxti', ma'oj meltzjoc 'ayn 'a to may tas tzb'o yu'uj, palta to 'oj yac' 'el'choc tas nab'il wu'uj, 'icha yaj in nani. Lajn yaj 'icha n̈ab' tzcot 'a satcha'an̈ yet' sacb'acum, man̈xtzac meltzj eb' 'aj tzcot cha. Ton̈j tzyu'j 'ejm lum lum tic, tzyaxb' sat lu'um, sec tzlaj pac' snich te 'awb'ente', tzya'n te sat, tz'elx can 'in̈t 'a te', sec tz'awx pax muc'uc, mto yic tzc'uxn eb' 'anma'. 'Ixta yaj in paxti tic.

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Cotn̈ec 'ayin, tzcham wal e maclni eyab' tas 'oj wala', tzeyiclni, sec 'ay e q'uinal. 'Oj in b'ox in trato eyet' 'a jun 'ejmn̈ej, ax wa'n 'el'choc in wach'c'ojlal 'aj wa'jnac in ti wa'n 'a rey David.