Popular Bible Verses from Is 54

Share

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Ex 'aj Jerusalén, man̈x ex xiwoc, man̈x 'oj e can 'a q'uixwc'ojlal, man̈x 'a mach 'oj eyi'n 'ejmi. 'Oj eyac' sat e c'ojl 'a tas x'aj yel e q'uixwel 'a yic yalan̈, atn 'a yic 'actb'ilx can 'icha tzyac' junc 'ix 'ix tz'actx can yuj yichmil.

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

'Oj lewnb'oc smantiado 'aj cajan, ma'oj xiw snitzn 'a junjn stitac. 'Oj snitz sch'an̈il, ax sma'n tzatzb'oc yistacail 'aj 'aych sch'an̈l cha

'Oj in cuy eb' 'a swach'il, caw wach' oj 'aj 'el'ch eb'.

'Ix cot wowl 'aych jun tiempoal, yuj cha, xin c'ub'n 'el in b'a 'ayach, palta yuj in chamc'ojlal 'aych 'a jun 'ejmn̈ej, yuj cha, 'ix 'o'ch pax in c'ojl 'ayach, an Jehová in a colmal waji.

Ach wactjcan jun tiempoal, palta yuj in chamc'ojlal 'ayach, tzach in chan pax jun 'ejm xo.

'Icha wal wutjnac wa'n in ti 'a win Noé yic ya'n owl yaxn̈ab', sec man̈x 'oj yac' jun chi jun 'ejm xo, 'ixta pax tzwutj wa'n in ti 'aych ticnec. Man̈x 'oj cot wowl 'ayach, man̈x 'oj ach in tumoc.

'Oj in b'o jun tzo'n̈ a torreal yet' q'uen rubí, 'oj in b'o jun tzo'n̈ a puertail yet' q'uen berilo, ax a muroal, a eb' q'uen q'uen wach' yilx 'oj wa'ch 'a 'a.