Popular Bible Verses from Is 42

Share

An Jehová in an ach wawtej, sec tza b'o tojlal 'a sat lum lu'um. Caw tan̈b'ilch wu'uj. Ach 'oj ach in c'anlb'oc yic 'oj in b'onc in trato yet' eb' 'anma', ax ochcn sacq'uinlal 'a jun tzo'n̈ xo nacion̈. Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

An tic Jehová in, atn in b'i tic. Ma'oj in cha alxoc wach' paxti 'a junc xo mach yuj tas in b'ojnac, ma'oj in cha 'ijxoc chan̈ jun tzo'n̈ yechl chi in jeloc.

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

'Ay wal eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta eb'. Palta a 'oj colwjoc 'a eb', ma'oj yixtc eb', wal yel 'oj yac' tojlal 'a eb'. Ma'oj 'iljoc, ma'oj schab'c'ojloc sb'a, masnto 'oj b'eylb'axc tojlal chi 'a sat lum lum tic. A jun tzo'n̈ nacion̈ 'ay 'a sti a mar, 'oj smaclc eb' yab' cuynb'il 'oj yac'a', xchi Dios.

A eb' matz uj yilni, 'oj wi't eb' 'a jun tzo'n̈ b'e to man̈ yojcoc. A q'uic'q'uinal, sacq'uinl 'oj wutc can 'a yojltac eb', ax wa'n pan̈ljoc eb' lum ch'olctac. Yowlal 'oj wac' 'el'choc jun tzo'n̈ tic 'a eb', ma'oj wactc can eb' schoc'oj.

'Iltec wal 'ix 'aj 'el'ch smasnil tas waljnac 'a yictax yaln̈taxi. Ax ticnec, 'ay jun tzo'n̈ xo tas mantzac wal 'ayex, a 'oj wala'. 'Aycto tzwaln cani, ya' sb'a mantzac uji, xchi Dios.