Popular Bible Verses from Ec 8

Share

Yuj cha, tzwaln an tic, ya' sb'a 'ayn̈ec 'ec' 'a yolyib'n̈q'uinl tic, to smoj wal tzon̈ tzaljec, tzqui c'uxnec tas tzqui c'uxu, tzcu'nec tas tzcuq'uej, atn yuj cha, tzon̈ munljec; tzalj coyc pax yuj qui q'uinl tzyac' Dios.

Wach'xam 'ay 'anma 'ipn ya'n 'och smul, palta najtl pax tzyila, cojn tas wojtac, to a eb' 'ay yel'ch Dios 'a sat, caw wach' 'oj 'el'choc eb' 'a yib'n̈ eb' maysch'olnil cha.

'Ay wal yoclemal yet' sc'ual yic tzqui b'onec junc tas, palta 'ay wal jun tas tzon̈ 'ixtnec 'eli, yujto matz nachj 'el cujec tas 'oj ujoc, may pax mach tz'a'n cojcoc 'eli.

May junc on̈ec 'ay caln quic 'a qui q'uinal, yic tzqui'nec 'och wa'an. An̈jtona', may junc on̈ec tztac' qui'nec 'och wan sc'ul qui chami, lajn 'icha junc soldado matz tac' yajx 'elt 'a scal owal. A junc mach tu sb'eyb'al, ma'oj colxoc 'el 'a yol sc'ab' chamel yuj smaysch'olnilal cha.

Yujto man̈ toc yajn̈ej tz'ajx 'och yailal 'a yib'n̈ eb' maysch'olnil, yuj cha cojxn maysch'olnil chi tzna eb'.

Palta 'ay tas man̈ tojloc tzwil 'a yolyib'n̈q'uinl tic. 'Ay eb' 'anma caw wach' cob' tzyutj sb'a, ax tz'aji, caw wal tzyab' eb' syail, 'icha to 'ay smul eb'; ax pax eb' 'anma caw maysch'olnil sb'eyb'al, caw tzaljn̈ej eb', 'icha pax to may smul eb'. Yuj cha, ton̈j tzsomchj qui nab'enec yuj jun tzo'n̈ tic.

'Ay wal yoclemal yet' sc'ual yic tzqui b'onec junc tas, palta 'ay wal jun tas tzon̈ 'ixtnec 'eli, yujto matz nachj 'el cujec tas 'oj ujoc, may pax mach tz'a'n cojcoc 'eli.