Popular Bible Verses from Ec 10

Share

A yic tz'ec' ye q'uen ch'acab', ax yic tzqui c'annec q'ue'en yowlal caw 'ip qui tzu'nec 'och q'ue'en, yuj cha, yel xo wach' tzqui n̈icc q'ue ye q'ue'en. Toto jeln on̈ec yajn̈ej tzqui nani tas tzcutjec junc chi muc'uc.

Q'uinloc a junc mach yajl yaj 'ayn̈ec tzcot yowl yuj junc qui paltail, man̈ yajn̈joc cha, tzcactnec can copiso 'aj 'ayn̈ec 'ochi. Toto tzquijec 'ejm qui b'a, 'ay sb'omb'il jun qui paltail cha, wach'xam niwquil yalxi.

A yuj sjab' junc no chamnc yax a'ay, tzjuw 'el sjab' junc perjuma caw su'q'ui. 'Ixta pax junc mach tzb'inax yuj cob' sjelnal, q'uinloc 'ay tas tu tzb'o'o, caw tzjuw 'el sb'inab'ilal cha.

Toto tzon̈ paxtinec yet' qui jelnal, wach' tzalx 'ayn̈ec yuj qui paxti cha, palta toto tzon̈ paxtinec yet' qui man̈ nab'enal, mun tzquijec cot 'a quib'an̈.

A eb' tzb'on junc xab', 'ay smay mun a eb' tz'atcn 'a yojol. Ax eb' tzxuyn 'ejm junc muro, 'ay smay a no chan tzchin eb'.