Popular Bible Verses from Dn 6

Share

A yic xyab'n Daniel chajtlto tox 'ix alx 'el jun ley cha, 'ix 'at 'a yatut, 'ix q'ue 'a jun scuarto 'aj tzwayi, ata x'em cumn sleslwi 'a Dios. 'Ox 'ejm xleslwi 'a jun c'u cha, 'icha tzyac' xon 'a junjn 'ejem. A jun scuarto cha, jacn swentnual, ata 'ay 'a stojlal Jerusalén.

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'. A Dios tic, caw tzcolwji, a tz'a'n 'el pax junc mach 'a libre. A tzch'oxn jun tzo'n̈ satjub'tac yilx 'ay 'a satcha'an̈, yet' 'a sat lum tic. A xcoln 'el Daniel 'a yol sc'ab' e no león, xchi win rey cha.

Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic: —A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.