Popular Bible Verses from 1 Co 7

Share

Yuj cha, matz tac' e tenn 'och wan tas tznib'j eyitb'eym 'ayx junjn ex. Cojxn toto tze molalej, tzeyactn can jun chi jaye'oc c'u, sec wach' tzex leslwi 'a Dios wal 'a smasnil e c'ojol. Tzlajwn̈ej jaye c'u cha, junn̈j tzex 'ajx cani, sec matz ex 'ajx juwc 'el yuj win Satanás. Yujto 'ay smay, matz tac' e tenn 'och wan e niwnal.

Ax xo 'ichmilab'il ex, tzeyac' sgana eyistzil, yujto eyitb'eym e b'a. An̈jtona', 'ixta tzeyutj e b'a ax 'istlab'il ex cha, tzeyac' pax sgana eyichmil. Yujto may yaln yic jun e niwnal chi ya'n mandar sb'a sch'ocoj. A eyichmil cha, a 'ay yaln yic 'ayex. An̈jtona', 'ixta pax ax 'ichmilab'il ex, may yaln pax jun e niwnal chi ya'n mandar sb'a sch'ocoj. A eyistl cha, a 'ay yaln yic 'ayex.

An̈ec tic, manb'iln̈ec xo yuj Dios. Yuj cha, man̈xtzac stac' qui b'onec 'icha tznib'j eb' comn 'anma'. Toto tzqui b'oc 'icha tznib'j eb', 'icha to tzca'c 'och qui b'a ya'malc servil eb'.