Popular Bible Verses from Ap 14

Share

Max lajwi tu', max waben yoc jun aw bay satcan. Max yalon ayin axca ti': Tz'ibej junxa tzet ok wal ayach ti': A tinani', caw watx' yet eb ayc'al oc yul k'ab Cham Yajaw, cax chi cami, cha tz'ibej, ẍi jun aw tu'. Chi yalon Cham Yespíritu Dios: Caw yel axca ton tu', yujtol ok xew eb yin mulnajil. A jun axca un bay tz'ibbil tzetak yetal watx' max el yunen eb, ok jay yetok eb bay satcan ti', ẍi Cham.

Xan a mac ex txel yet exxa Dios, mac ex yikem ex bay tzet chi yal is chekbanil, tol che yaoc e c'ul yin Jesús, yowalil caw tec'an che yut e ba yet che yaben yail.

Caw yip yalon bay eb axca ti': Xiwanek bay Dios. Alek watx' k'anej bay, yujtol toxa chi jay tiempoal e beyc'ulnelay yuj. Alek e ba bay, yujtol a' watx'nenej satcan, yetok sat tx'otx' c'al a' mar, yetok nuk'lak aej, ẍi.

Lajwic'al tu', ay junxa yet is yox ángel tzakan yintak jun yet is cab tu'. Caw yip c'apax yalon junxa tu' axca ti': A eb chi yiay ba bay jun chi yik No' tu', c'al bay is yechel, eb max chaoc yechel nan sat ma yin is k'ab, yowalil ok jayoc jun miman yailal yiban eb yuj Dios. Axca an vino caw ow, c'am jabok somil aytok, cay wal tu' yowal c'ul Dios ok jay yiban eb. Caw wal ow sic'libil. Caw ok yab eb yail nan xol k'ak' k'ak' yetok azufre satak eb yángel Dios, yetok satak jun chi yik Calnel tu'. A bay ok cha eb yailal tu', wacaquic'al yaj mubal yin tojbalk'inal. C'am xewilal eb c'ualil c'al ak'balil, a ton eb max yiay ba bay jun chi yik No' tu' c'al bay yechel, a ton eb max chaoc bi jun No tu' yechelok, ẍi jun ángel tu'.

Lajwi tu' max wiloni, ay jun chi yik Calnel, tol lecan ec' bay tzalan Sión. Ayic' 144 mil eb yetok. Tz'ibbil oc bi jun chi yik Calnel tu', c'al bi is Mam yin nan sat junjun eb.

Max lajwi tu', max wilon yec' jenenok junxa ángel bay nan satcan. A watx' abix tol ayc'al yin tojbalk'inal ibil oc yuj, yuj yalon el nan xol anima bay junjun nación, c'al bay junjun conob bay yulyibank'inal, caxc'al tx'ok tx'ok yinatil eb, caxc'al tx'ok tx'ok ti' eb.

Ay junxa ángel tzakan jay yintak jun babel tu', max yalon c'apax axca ti': ¡Mayal wal ayc'ay jun conob chi yik Babilonia. C'am junok axca, palta max ayc'ay wali. A jun conob tu' max etnen el masanil nacionlak yetok is yajmulal. Axca wal tol max oc junjun nación tu' yin uq'uem anil yuj! ẍi.