Popular Bible Verses from Ap 10

Share

Manxa ok mayjok yunen tzet nabilxac'alta' yuj Dios. A yet ok chaon el yich jun yet is suk ángel xuon is trompeta, axa yunen tzet nabilxata' yuj tu', albilxa yuj bay eb yak'omal serbil, a ton eb is chekbej, ẍi jun ángel tu'.

Max lajwi tu', max al-lay ayin axca ti': Yowalil ok alil junelxa, tzetak yetal ok jay yiban conoblak, yiban nacionlak, yiban junjun tiejlak, c'al yiban juntzan eb rey, ẍi ayin.

Max wilon yaytek jun ángel bay satcan, tol xiwil is yipalil, cax max ayol sat tx'otx'. Boc'an oc asun yin axca tol is pichil yayji. Ayaj jun mak'bal nabich yin is jolom. Caw wal chi tzekeki sat axca chaw yakan c'u. Axa yakan, axca xak k'ak'ej chi aj tobobok.

Yuj tu', max in toj bay jun ángel tu', max in k'anon ec' tx'an yaliẍ un tu' bay, max yalon ayin axca ti': Tix tx'an ti', lo' tx'an. Caw chi' julinakxac'al ok yun toj tx'an yul a ti', axca yalcab, palta ok c'abok el tx'an yul a c'ul, ẍi ayin. Max lajwi tu', max in chaon ec' tx'an un tu' bay, cax max in loon tx'an. Chi' julinakxac'al yoctok yul in ti', axca yalcab, palta max c'abi el yul in c'ul yuj.