Popular Bible Verses from Nm 22

Share

A wal yet jun bek tu' max k'anjab aj no' yuj Jehová, max yalon no' bay cham Balaam axca ti': —¿Tzet max ach wutej? Mayal tz'aknaj oxel chin a mak'a', ẍi no'.

Lajwi tu' axa Jehová max ak'on yil cham Balaam jun yángel tu', tol ayic' bay nan yul be, ayoc ch'en espada yul is k'ab. Maxc'al wal yil cham jun ángel tu xin, max ay nojan satak.

Max yalon jun ángel tu' bay cham axca ti': —¿Tzet yuj xan max a mak' no' a chej ti' yin oxel? Ayin max in oc a satak cax max in makchen a be, yujtol max tit wowal yuj max ach tit yetok juntzan anima ti'.

Max tak'wi no' bay cham axca ti': —Ayin ti' a chej inc'alta'a, chach occ'al wiban yet chach ec'c'al ec'jabok, caw wal ojtakxa c'am junelok caytu' chach wutej, ẍi no'. —Ja' yel toni, ẍi cham.

—Yujtol yelxac'al chin etnej chi wabej. Tolok wal ayic' junok ch'en espada cayti', tixwal chach in tek cam tinani', ẍi cham bay no'.

Max yilon pax no burro tu' junelxa tol waan oc jun ángel tu' bay nan yul be, toxac'al max ay paknaj no' yalan cham Balaam, xan max tit-xac'al yowal yin no', max c'oli mak'on cham no' yetok is k'okoch.