Popular Bible Verses from Ez 4

Share

Lajwi tu', ok ach ay telan bay yetc'ulal a q'uexan, caytu' ok yun aon oc yailal eban yuj is mul eb et conob. Ac'al bay jun a tz'eyil tu' ok ach ayc'al telanok yak'ban ayoc yailal eban yuj is mul eb. 390 c'ual ok yun jun tu', chi yal elapnok junjun c'u yin junjun abil, ok yab yail eb aj conob Israel yuj is mul tu'.

A yet ok lajwok jun tiempoal tu xin, axa pax bay yetc'ulal a watx', ok ach ay telanok. Caywal tu' ok yun yoc paxcan yailal eban yuj is mul eb aj conob Judá yin cawinak c'ual, junjun c'u yin junjun abil ok yab yail eb yuj is mul.

A yet c'amto chach c'al-lay tu', cax cheon c'apax aj janic'ok ixim trigo, cebada, mijo c'al avena yetok c'apax avas c'al an lenteja; soman chi yun yaytok yul junok xij. A yetok juntzan tu' cha watx'nej a lobej. A ton wal juntzan tu' ok a lo' yin 390 c'ual, yak'ban yet telan ach ay bay yetc'ulal a q'uexan.