Popular Bible Verses from Ez 33

Share

Palta al bay eb tol ayin Jehová Yajaw in chi wala' tol c'am chi wochej chi cam eb yobtakwom. A wochwan tol chi q'uex eb is beybal cax chi iquisbic'al ec' eb. Ex israel bekekcan e yob beybalil tu', ¿tzet yuj xan ok ex camok? ẍi Cham, cachi.

Ach anima, ach max ach waoc yin makwajwomal bay eb et conob. Ach ok a cha in k'anej, cax ok alon bay eb.

Palta ta chal bay, yet chi na ba c'ul yin is yobtakil, cax c'am chi cha yabej, ok cam yuj is mul, palta ach ti', c'am tzet chi lowcan en, ẍi Jehová.

Palta tatol a jun makwajwom tu' chi yil tit eb ajc'ul, cax c'am chi xu pax is bocina; axa yoc eb ajc'ul tu', cax ay mac chi cam yuj eb, a eb chi cam tu', chi cam eb yuj is mul, palta yowalil chi wak' yowalil bay jun makwajwom tu' is camichal eb, ẍi Jehová, cachi.

Max yab wal xulay bocina tu', asan tol maj yikej colon ba yetok masanil eb yet animail. Yuj tu' xan ac'al oc max yitek is camichal tu' yiban. Matawal max col ba, maj mi camok.