Popular Bible Verses from Ex 20

Share

Ayin ton Jehová e Diosal in, tol max ex wieltek bay yul yet Egipto bay ayex oc yin mosejal. C'am junokxa dios bay chex oc ayilal, palta asannej ayin.

C'am junok yechel junok tzet yetal che watx'nej oc e diosalok, tamwal tzet ay bay satcan, tamwal tzet ay bay sat tx'otx' ti', tamwal tzet ay yulak a' aej ayay yinlak tx'otx' tx'otx' ti'. C'am chex ay nojan bay, tamwal che yak' ayilal bay, yujtol ayin Jehová e Diosal in, caw wal chi tit wowal e yin, tatol chex oc ayilal bay junokxa mactxel; cax ok waon oc yailal eb mamej, eb tol chin yajoni, cax ay yowal in c'ul yiban eb uninalej, c'al yiban eb yet is yox c'al yet is can itxiquinej.

Ayokab yelapnok e mam c'al e txutx yul e sat, yet watx' chi najatilbi e k'inal bay sat tx'otx' tx'otx' ok wak' ayex.

Mimanokab yelapnok c'ual xewilal yul e sat, yujtol wet yayji ocok.

Man comonok che yak' binaj in bi ayin Jehová e Diosal in ti' yujtol ok wak' yailal bay mac comonc'al ok in yak' binajok.

Wakeb c'u chex mulnaj yin e mulnajil, axa yet is suk c'ual xin, c'ual xewilal, a jun c'ual tu' wet yayji. C'am chex mulnaj yet jun c'ual tu', tamwal eb e c'ajol, tamwal eb e cutz'in, tamwal eb e chekbej, tamwal eb ix e chekbej, tamwal no' e jobbejal no', tamwal eb tx'ok conobal ayic' e xol, c'amokab chi mulnaj eb.

Manchak e yochej oc is yatut eb e yet animail. Tamwal yistzil, tamwal is chekbej, tamwal ix is chekbej, tamwal is wacax, tamwal is burro, tamwal junokxa tzet yetal tol yet e yet animail tu' che yochej ocok, ẍi Jehová.

Manchak e naaj k'anej yin e yet animail.

Manchak e yaoc e mul yul k'ab e yetbi junjun ex.

Manchak e mak' cam e yet animail.

Manchak ex elk'ani.