Popular Bible Verses from Apoc 10

Share

—Man̈xo ol ec'laj tiempo yelc'och tas nab'ilcan yuj Dios. Ayic ol schaanel yich jun yuquil ángel spu'an strompeta, axo yelc'och tas nab'ilcan yuj chi', alb'ilxo yuuj d'a eb' yac'umal servil, aton eb' schecab', xchi jun ángel chi'.

Ix lajvi chi', ix aljipax d'ayin: —Yovalil ol al junelxo tastac ol ja d'a yib'an̈ juntzan̈ anima, d'a yib'an̈ juntzan̈ nación, d'a yib'an̈ junjun macan̈ ti'al yed' d'a yib'an̈ eb' rey, xchi d'ayin.

Ix lajvi chi', ix vilan junxo ángel d'a satchaan̈, te nivan spoder. Ix emta d'a yolyib'an̈q'uinal. Moyanoch jun asun d'ay, ichato a' ayoch spichuloc. Axo d'a sjolom, ayq'ue jun chacpan. Axo sat, toxon̈ej sveei icha yoc c'u. Axo yoc, lajan icha yoc c'ac' sq'ue n̈iln̈onoc.

Yuj chi' ix in b'at d'a jun ángel chi', ix in c'ananec' jun ch'an̈ uum chi' d'ay. Axo ix yalan d'ayin: —Ina ch'an̈ tic. C'uxb'at ch'an̈. Te chi' ol aj yol a ti' yuj ch'an̈ icha noc' yal chab', axo yol a c'ool, te c'a' ol aj yuj ch'an̈, xchi d'ayin. Ix lajvi chi', ix in chaanec' ch'an̈ d'ay. Ix in c'uxan ch'an̈. Chi' julinac yochc'och ch'an̈ d'a yol in ti' icha yal chab', palta axo yol in c'ool te c'a ix aj yuj ch'an̈.