Popular Bible Verses from Sal 63

Share

Ach in Diosal, toxonton in Diosal ach. Tzach in nib'ej d'a smasanil in c'ool, tzach snib'ej in pixan icha tz'aj snib'an n̈ab' lum luum taquin̈.

Te nivan yelc'och a vach'c'olal d'a yichan̈ b'aj pitzan in d'a yolyib'an̈q'uinal tic. Yuj chi', ol ach in b'itej.

Yacb'an pitzan in, ol val vach' lolonel d'ayach. Ol in mojb'ejq'ue in c'ab' d'ayach d'a in lesal.

In gana tzach viloch d'a a templo, ol cham val in c'ool vilan a poder yed' a tziquiquial.

A ach ton tzach colvaj ved'oc, yuj chi' malaj tas tzin na' icha noc' yunetac caxlan̈ d'a yalan̈ sc'axil snun. Junn̈ej vaj ed'oc sic'lab'il. Max in actejel-laj yed' a vach' c'ab'.

A d'ac'valil ayic jichan inxo eq'ui, tzach in naub'tan̈ani, ayn̈ejoch in pensar d'ayach.