Popular Bible Verses from Rom 14

Share

Porque aju tcawbil Dios myatzun a tnabl ti'j kchi' ex ka ti'j kc'a, nok o'cx tu'n kten tz'aklxix ex tuj kmojbabl kib kxol ex tuj tzalajbil tu'n Xewbaj Xjan. Porque alcye in ajben te Crist ic tza'n jlu, in tzalaj Dios ti'j, ex nnic' cywitz xjal ti'j ka ba'n.

Porque ka in ko ank'in, in ko ank'in tu'n kajben te Kajaw; ex ka ma ko cyim, tu'n tajbil Kajaw ko cymel. Cyja'tzun, ka in ko ank'in ex ka ma ko cyim, te Kajaw ko'.

Cyja'tzun, ko lpe'c ti'j ju in tzaj k'inte kmojbabl kib kxolx ex aju in ajben te ch'isbil knabl kxolx.

Cyja'tzun, mi'n ko yolin mya ba'n ti'j juntl kxolx, nok o'cx ko ximan ti'j tu'n mi'n tcub kk'o'n jun tolsabl twitz jun kerman ex tu'n mi'n tcub tz'ak tuj il ku'n.

Porque in tma'n tuj Tu'jil: Akine Dios in xi nma'ne jun nyole axix toc, che bel ẍmeje' cycyakil xjal nwitze, ex cycyakil xjal oc cyma' ka akine Dios, chi tuj Tu'jil. Cyja'tzun, teyle junjun ke oc tk'a' tajlal twitz Dios ti'j tbinchben.

Ka at jun erman mya cyuw tten tuj tocslabl, cyc'mome, pero mi'n baj cykanine tza'n tten t-ximbetz.

¿Yajtzun teya, ti toclena tu'nju in yolina mya ba'n ti'j tmajen juntl? Porque tuj tcwent tpatrón ta' ka wa'l ex ka cubni tz'ak; pero cbel wabanxix, porque at tipumal Kajaw tu'n twe'xix.