Popular Bible Verses from Salmos 37

Share

Tzalajxa ti'j Kman, ex tzul tk'o'n teya aju in pon tc'u'ja ti'j.

Okxenanx tiba tuj tk'ab Kman, ke'c tc'u'ja ti'j ex tzul onil teya.

Txulecuya twitz Kman ex nok ayona ti'j oc tul onil teya. Mi'n tzaj tx'a'l tc'u'ja ti'j ju xjal jurat in jaw ti'n naj tipun, ex mi ti'j ju xjal in cub t-ximan tu'n tbinchante mya ba'n.

Ke'c tc'u'ja ti'j Kman ex binchama ju ba'n, tz'ank'ina twitz tx'otx' ex cucx nimanxa tyol.

In xi tyec'un Kman alcye be tu'n t-xi ti'n xjal, ex in cub tk'o'n tuj be ba'n nne'l tuj twitz; masque ma tzic' tz'ak, pero in jaw twaban tib, porque tzyu'n tk'ab tu'n Kman.

Cbel tyec'un Dios cywitz xjal aju tbinchbena ba'n ex ju ttena tz'aklxix, ic tza'n tkan k'ij oc nno'c chilcuk'ij.

Colinxa k'oj ex colinxa tu'n ttzaj tlo'ch tc'u'ja; mi'n jaw k'ojla, porque tu'ntzun jlu in xi' jun yol tuj tilil.

Cu'xun kine nej, atzun ja'lo ma chin tijine; pero bajx wile jun xinak ba'n otok cyaj colin, ex bajx wile in che mo'n ke tc'wa'l.

Mi'n jaw cyakpaja tu'n cylaj ke xjal mya ba'n, mi'n tzaj tx'a'l tc'u'ja cyi'j ke binchal mya ba'n