Popular Bible Verses from Salmos 31

Share

Tenx cyipune ex cyuwx cyc'u'je cycyakile k'ukl cyc'u'je ti'j Kman.

Cwentin kine tu'na tuj tcyakilju in baj wi'je; chin tcloma cywitz ke aj k'oj wi'je, akeju lepcho'c wi'je tu'n ncube cyu'n.

Ma'xix t-xtalbila cyuc'il keju in che niman teya. In xi tc'u'na ic tza'n jun k'inumabl, ex cywitz ke xjal in xi t-sipana cye keju k'ukl cyc'u'j ti'ja.

Atzun weye Nman, k'ukl nc'u'je ti'ja, in xi nma'ne: Aya Ndiose.

Ic ttena te weye ic tza'n jun pic ex ic tza'n jun matij ja cyuwxix tten. Chin t-ẍakluma ex chin tcwentin oca tu'ntzun tjaw nimsa'n tbiya.

Tuj tk'aba in xi wokxenane wanmiye; tzaja colol wi'je Nman, aya Dios axix toc.

Cyc'ujlame Kman cycyakile akeye in che niman te. In che oc tcwentin Kman keju in che bet tuj tumelxix, pero keju in jaw cyniman cyib, in cub tk'o'n cycastiw tuj tumelxix.

Nman, ti'ja ma tz'oc nclon wibe, mi'n tak'a ambil tu'n tcub nch'ixwiye. Chin tcloma porque aya jun Dios tz'aklxix.