Popular Bible Verses from Filipos 4

Share

Mi jun tu'n tbaj cyc'u'je ti'j; tcyakil cymanxe te Dios tuj cyna'j Diose; cykaninxe te, ax icx cyk'onxe chjonte te.

Cyja'tzun ckebil cyc'u'je tu'n Dios; mas ma' t-xilen jlu twitz tcyakil cynabl xjal, tu'n jlu c'oquel cwentin cyanmiye ex cyximbetze, tu'nju at cymojbabl cyibe tuc'il Jesucrist.

Ja'lotzun erman, atzun che ximane ti'j: Tcyakilju axix toc, tcyakilju ba'n tu'n tnimanjtz, tcyakilju tz'aklxix, tcyakilju sakxix, tcyakilju tbanilxix ex tcyakilju in yolinjtz ba'n ti'j. Ka at jun tbanilxix, ex ka at jun ba'n tu'n tjaw nimsa'n, atzun che ximane ti'j jlu.

Tcyakil jacu tzic'x wu'ne ex jacu bant wu'ne, porque ate Crist in k'onte wipumale.

Cucx che tzalaje ti'j Kajaw. Cxel nma'ne juntl maj cyeye: Che tzalajxe.

Tcyakilju atx taj cyeye ctzajel tk'o'n Dios cyeye, aju Dios in chin ajbene te; nok tu'n Jesucrist ctzajel tk'o'n, porque nimxix tk'inumabl Dios at ex tbanilxix.

Cybinchame aju ma tz'el cycano'ne wi'je, aju ma cyc'ame weye, aju ma cybiye weye, ex aju ma cyile wi'je; atzun jlu cybinchame, ex ctel Dios cyuc'ile, aju k'ukbalte cyc'u'je.

Tz'elxwit nic'baj cyi'je cyu'n cycyakil xjal ka mejor cymodiye. In lak'ex ttzaj tk'ijlalil tu'n tul Kajaw.

Ojtzki'maj wu'ne ka tu'n ntene tuj mebayil ex ka tu'n tten nim weye; tuj tcyakil xnak'tza'maj kine, ka tu'n tnoj nc'u'je ex ka tu'n tic'x we'yaj wu'ne, ka tu'n ntene nim at weye, ex ka tu'n ntene minti' at weye.

Mya tu'nju atx taj weye ma txi nma'ne jlu, porque ma chin nak'ete tu'n ntzalaje ka at weye ex ka minti'.