Popular Bible Verses from Números 16

Share

pero ka ma tbincha Kman jun ac'aj tbinchben; ka ma tz'el c'abchaj tx'otx' ex ka ma che'x tz'ak xjal lu tuj tuc'ix tcyakilju at cye, ex itz'x ke oc cycu'pun tz'ak max tuj cynajbil cyimni, c'eleltzun cynic'e ti'j ka ake xjal lu ma che el ic'unte Kman. Tejtzun tbaj yolin Moisés, el c'abchaj tx'otx' jatum cycubsa'ntok ex e je'x tz'ak ke xjal tuj, akeju otok moje' cyyol tuc'il Coré, cyuc'ix keju ate' tuj cyja ex tcyakilju at cye.

Attok jun aj Leví, tiyjil Coat, Coré tbi, tcy'ajal Ishar, tuc'ix oxetl xinak tiyjil Rubén, Datán tbi jun ex Abiram tbi juntl, tcy'ajal Eliab ke, tuc'ix On aju tcy'ajal Pelet, jaw cyi'n cyib ti'j Moisés. Ex cyi'jtzun ke jlu oc cymojbantl cyib 250 xinak aj Israel, nejenel ke cye tnam xjal, ex ajun ke cyoc te tajlal cyxol keju in che k'onte cyconsej xjal, ex ba'n yolbil cye.