Popular Bible Verses from Números 14

Share

Pero mi'n jaw cyi'n cyibe ti'j Kman, ex mi'n che xobe cywitz xjal ate' ma chixin, porque ke xjal lu jurat naj cbel cyi'j ku'n; mi a'l colol cyi'j, atzun ke, at Kman kuc'il. Mi'n che xobe cywitz, che chi, xi cyma'n.

ka minti' in jaw k'ojl naja, ma'xix tc'ujlalila ex in cub tnajsa'na mya ba'n ex ttx'u'jil wibaj, masque minti' nni'c'x ti'j tu'na tu'n mi'n tcub tcastiw jun xjal at til, nok o'cx in cub tk'o'na cycastiw c'wa'lbaj tu'n tlaj mya ba'n cybinchben cyman, cyuc'ix ke tal chmambaj ex ke ttxca' chmambaj.

Ka ma tzalaj Kman ki'j, ax te c'onil ke tu'n kcanun tuj tx'otx' ex ctzajel tk'o'n ke. Aju tx'otx' lu k'inun tx'otx' ex tbanilxix.

Atzunte nmajene Caleb, tu'nju ma ten junxitl t-ximbetz ex ma chinx tniman tuj tcyakil, cxel nk'o'ne ambil te tu'n tpon tuj tx'otx' xi aj que'yilte, ex ake tiyjil che najal tuj.

K'manxa cye cyja': Akine Dios cxel nma'ne jun yol axix toc wu'nx wibe: Ic tza'n cyyole ma nbiye, icxtzun cbantel cyi'je wu'ne.

ex tzaj tma'n Kman te Moisés: —¿Jtoj ban txi cycolin xjal tu'n cyic'un wi'je? ¿Jtoj ban txi cycolin tu'n mi'n tke' cyc'u'j wi'je, ex o bant nimcu techal wu'ne cyxol?

Ex cycyakil e oc ten yolil mya ba'n ti'j Moisés ex ti'j Aarón, in cyma'n: Mas ba'nwtlo nokwit max xko cyim tuj Ejipt ex ka tzalu tuj tzkij tx'otx'.

Atzunte Josué aju tcy'ajal Nun, tuc'ix Caleb aju tcy'ajal Jefone, akeju otok che'x aj que'yilte tx'otx' Canaán, el cysbit'un cyxbalun cyi'j tu'n cybis, ex xi cyma'n cye cycyakil aj Israel: —Aju tx'otx' o'x aje que'yilte, puro tbanilxix.

pero cxel nma'ne teya jun yol axix toc wu'nx wibe, ex axix toc nojni tcyakil twitz tx'otx' tu'n wajwalile: Cycyakil keju o cyil nspic'umale ex ke techal e bant wu'ne tuj Ejipt ex tuj tzkij tx'otx', ex ma chin oc k'o'ne cyu'n tuj nimcu joybil wi'je ex minti' in chinx cyniman, ax toc, mi jun cye oc cyila' aju tx'otx' xi ntziyane cye ktzan cyxe'chel. Mi jun cye keju ma che el ic'unte weye oc cyila' aju tx'otx'.