Popular Bible Verses from Matey 23

Share

Aju mas ma' toclen cyxole, atzunju c'oquel te cymajene.

Porque alcye ma jaw tniman tib c'oquel te ch'in; pero alcye ma tz'oc tk'on tib te ch'in oc cjawil nimsa'n.

Ay bec'bil cywitze akeye xnak'tzal ti'j ley ex akeye parisey xmletz' keye. In xi cyk'o'ne tlaji'n te Dios ti'j tal c'ul alwen tbi, ex ti'j tal c'ul anís tbi, ex ti'j tal c'ul comino tbi, atzunju mas at toclen in tma'n tuj ley in cyaj cyk'o'ne; minti' in cybincha'ne aju tz'aklxix, ex minti' in k'ak'an cyc'u'je cyi'j xjal, ex minti' in japun cyu'ne aju in xi cytziyane. Atzun jlu ilxix ti'j tu'n cybinchanteye, ax icx tu'n t-xi cyk'o'ne tlaji'n.

Ay bec'bil cywitze akeye xnak'tzal ti'j ley ex akeye parisey xmletz' keye. Porque nne'l cytx'jo'ne ti'jtzi vas ex ti'jtzi lak, atzun tuj cyanmiye o'cx in che ximane ti'j tu'n cyelk'ane ex in pon cyc'u'je ti'j nimcu.

Akeye aj Jerusalén in che cub cybyo'ne ke t-sanjel Dios ex in che oc cyxo'ne tu'n abj keju in che tzaj t-sama'n Dios cyuc'ile. Nimcu maj o wajbeye tu'n cyoc nchmo'n keye ic tza'n jun ttxu ec' in che oc tchmo'n ke tal tjak' t-xic', pero minti' o cyajbeye.

Icxtzun cyeye, in cyyec'un cyibe cywitz xjal mer ic tza'n tz'aklxix keye, atzun tuj cyanmiye nojni tu'n xmletz'il ex tu'n mya ba'n.