Popular Bible Verses from Matey 18

Share

Porque jatum ate' cabe ex ka ox cybuyin cyib c'ulul weye, atzun atine cyxol.

Cxel nma'ne juntl maj cyeye, ka at cabe cyeye ma moje' cyyol twitz tx'otx' tu'n t-xi cykanin jun ti'xti tuj cyna'j Dios, ctzajel k'o'n cye tu'n Nmane aju at tuj cya'j.

Tzaj ttxco'n Jesús jun tal c'wa'l, cub tk'o'n cyxol, ex tma: —Ax toc cxel nma'ne cyeye, ka minti' ma che ch'expaje ex ka minti' ma che oque ic tza'n ke tal c'wa'l, mlayx che ocxe tuj ju cawbil in tzaj tuj cya'j.

Cyja'tzun, alcyeju ma cub tmansin tib ic tza'n jun tal c'wa'l lu, atzunju mas nim toclen tuj cawbil in tzaj tuj cya'j.

Ex alcye jun xjal in c'monte jun tal c'wa'l ic tza'n jlu tu'nju at tc'ujlalil xjal wi'je, akine in chin tc'mo'n.

Ax toc cxel nma'ne cyeye, aju cxel cymayo'ne tzalu twitz tx'otx', ax icx tuj cya'j cmayetel; ex aju cxel cyma'ne tu'n tbant tzalu twitz tx'otx', ax icx tuj cya'j ctzajel k'ma'n tu'n tbant.

Ax icxtzun oc tbincha' Nmane cyi'je, aju at tuj cya'j, ka minti' xcub cynajsa'ne tu'n tcyakil cyanmiye aju cyil cyermaniye, chi Jesús cye.

Pero ka at jun xjal ma cub tz'ak jun tal ch'in tu'n tuj il cyxol keju in che ocslan wi'je, mas ba'n tu'n toc c'alet jun cya' ma'xix ti'j tkul, ex tu'n tcu'x xo't max t-xe'pun mar.

¿Chi toc cyu'ne? Ka at jun xjal at jun syent t-ẍne'l, ex ka ma cyaj tzpet jun, ¿mlaypelo che cyaj tk'o'n keju 99 twi witz, ex cxe'l jyolte aju otok cyaj tzpet?