Popular Bible Verses from Matey 10

Che xel nsama'ne ex ic che oquele ic tza'n ke ẍne'l cyxol xo'j; cyja'tzun tenx cynable ic tza'n lobaj, ex yalnix ti'j cynable ic tza'n paloma.

Alcye jun xjal o'cx toc tc'u'j ti'j tu'n tten tchwinklal twitz tx'otx', mlay tcamba' aju chwinklal in tzaj tk'o'n Dios; ex alcye jun xjal tk'on tib tu'n tnaj tchwinklal twitz tx'otx' nok tu'n nlaje, oc tcamba' aju chwinklal in tzaj tk'o'n Dios.

Ex mi'n che xobe cywitz keju in cub cybyo'n t-ximlal xjal, atzun tanmi xjal mlay bant tu'n tbyet cyu'n; atzun che xobe twitzju at tipumal tu'n tnaj tanmi xjal tu'n tuj infierni, tuc'ix t-ximlal.

Ex alcye minti' in xi ti'n tcrus tu'n toc lpe' wi'je, mya ba'n tu'n tajben te weye.

Aju xjal minti' in cub tewan, ex ka in xi tma'n cye xjal ka ax toc ocslal wi'je, ax icx weye mlay cub wewane, cxel nma'ne te Nmane aju at tuj cya'j ka ax toc ocslal wi'je. Pero ka at jun xjal in cub tewan cywitz xjal ka minti' ojtzki'n kine tu'n, ax icx weye cbel wewane twitz Nmane aju at tuj cya'j ka minti' ojtzki'n xjal lu wu'ne.

Che banix ke xjal cyu'ne akeju at tx'a'c cyi'j minti' k'anbil ti'j, ex che banix ke mastl yab cyu'ne; ex che jaw ank'in ke cyimni cyu'ne; ex cylajo'mitze ke ju'ẍ tuj cyanmi xjal. Nok cucx ma cyc'ame cyoclene lu, ax icx aju ma txi nma'ne cyeye, nok cucx cybinchame.

Cyja'tzun mi'n che xobe, porque mas ma' cyxilene cywitz nimcu tal chyu'j.

Mi'n cub cyximane ka ma chin ule tu'n cyten xjal tuj tzalajbil; minti' ma chin ule tu'n cyten xjal tuj tzalajbil, nok o'cx ma chin ule k'ol k'oj cyxol xjal.