Popular Bible Verses from Jeremías 8

Share

¿Minti'pelo jun k'anbil at tuj Galaad? ¿Minti'pelo jun xjal ba'n k'anan ma chixin? ¿Tiku'ntzun minti' ma che banix ke nxjalile? Chi Jeremías.

Aya Jeremías, k'manxa cye xjal cyja': Chi Kman in tma'n: Ka at jun ma jaw tz'ak, ¿myape jurat naj in jaw we'? Ka at jun nne'l tzpet ti'j tbe, ¿myape jurat naj nna'jtz meltz'aj tu'n tcnet be tu'n?

Ke xulen ba'n cyu'n jtoj tu'n cyxi' tuj juntl lugar ex jtoj tu'n cyajtz meltz'aj. Ke wilwil, ke xtx'a'yil ex ke garza ba'n cyu'n jtoj ba'n cyxi' tuj juntl lugar, atzun cyeye, akeye xjal etzan wu'ne, minti' ojtzki'n ke nleye cyu'ne.

O chin cub txule'ye bilte, pero minti' o nbiye jun xjal in yolin tuj tumelxix, mi a'l jun nna'jtz ti'j tanmi tu'n mi'n tbinchante mya ba'n, ex ka tu'n ttzaj tma'n ¿titzun o nbinchaye? chiwt. Cycyakil in xi cyi'n cyex cybe, ic cyten ic tza'n ke chej in che ojkelan tuj k'oj.

Pero ke xjal lu at cynabl, ctzajel cych'ixwi, ctzajel t-xobil cyi'j ex che xel k'i'n pres. ¿Jatumtzun ta' ka at cynabl tu'nju ma tz'el cyic'un nyole?