Popular Bible Verses from Jeremías 25

Share

tej ttzaj cyma'n cyeye cyja': Cycolin cyaje cybeye ex cybinchbene mya ba'n, ex octzun che ank'ile twitz tx'otx' aju tzaj tk'o'n Kman te jumajx te cyeye ex te cye ktzan cyxe'chele.

Tcyakil nasyon lu cbajel xitj ex nok ttx'akan cyjel ten. 70 abk'i che tel ke nasyon lu tjak' tcawbil rey te Babilonia. Ex octzun tjapun baj 70 abk'i, cbeltzun tcastiw rey te Babilonia wu'ne tuc'ix ju nasyon in cawin rey tibaj, tu'n tlaj cybinchben xjal mya ba'n; ax icx ke tnam cye aj Caldey che bel nxitune te jumajx. Akine Dios in chin k'mante jlu.

Mi'n che oc lpe'ye cyi'j junxitl dios, mi'n che ajbene cye, mi'n che c'ulune cywitz ex mi'n cybinchaye tu'n ttzaj tk'oj Kman cyi'je, tu'n tlaj cydiose cyu'nxe in baj cybincha'ne. Ka ma txi cynimane jlu, mlay tzaj t-sama'n Kman mya ba'n cyibaje, che chi t-sanjel.