Popular Bible Verses from Isaías 6

Share

Nbiye tk'ajk'ajel twi Kman ex tma: ¿Alcye cxel nsama'ne? ¿Alcye c'oquel te ksanjele? Atzun weye xi ntzak'we'ne: Lu kine lu, chin t-samanxa.

Ex che chi in cyma'n jun te juntl: Xjante, Xjante, Xjante Kman aju Tajaw Tcyakil; nojni tcyakil twitz tx'otx' tu'n tajwalil.

Atzun weye nmaye cyja': Ay bec'bil nwitze, chin cymele. Ma wile tu'n nwitze aju Rey, aju Kman Tajaw Tcyakil; atzun weye xjal kine ex mi jun yol tuj tumel nne'tz tuj ntzi'ye, ex najl kine tuj jun tnam jatum minti' jun xjal in yolin tuj tumel, nchiye.

Tuj abk'i tej tcyim rey Uzías o wile Kman k'ukl tuj tk'ukbil ma' tjaw ex ma' toclen, nojni tuj tja tu'n ttxa'n t-xbalun.

Oc tt'ano'n ti'j ntzi'ye ex tma weye cyja': Bintza, aju xk'a'l lu ma tz'oc t'anet ti'j ttzi'ya, ma tz'el k'it tbinchbena mya ba'n ex ma cub najset tila, chi Serafín.

Lu ke Serafín in che koptz'aj wen cycubsa'n tibajxi Kman. Teyle junjun at kak t-xic'. Cabe cyxic' in ajben te makbil cywitz, cabetl in ajben te txaybil cykan ex atzun cabetl in ajben tu'n cylipan.

Cyxol ke Serafín lu tzaj lipan jun ex ul wuc'ile, tzyu'n jun xk'a'l tu'n tu'n tenás, otok jaw ti'n tibaj altar.

Tzajtzun tma'n weye: Txi'ya ex k'manxa cye xjal cyja': Masque ma tzaj cyk'o'n cywi'ye ti'j, mlay tz'el cynic'e ti'j; ex masque ma cyile, mlayx tz'el cynic'e ti'j.

Najsa'n baja cynabl ke xjal lu tu'n mi'n tocx tuj cywi', maksima tuj cyẍcyin tu'n mi'n cybinte, ex maksima cywitz tu'n mi'n tcyil ex tu'n mi'n tel cynic' ti'j, tu'ntzun mi'n tajtz ti'j cyanmi ex tu'n mi'n cybanix wu'ne, chi Kman weye.