Popular Bible Verses from Isaías 54

Share

pero mi jun xjal jacu bant jun ubl tu'n tu'n tnaja tu'n. Bi'x cmaksetel cytzi' tu'na, akeju in tzaj cyma'n ka at tila. Atzun jlu in xi nk'o'ne cye keju in che ajben weye, ex aju colbil cye, wu'ne in xi nk'o'ne, chi Kman.

Masque ch'expet cylugar ke nmak witz ex masque che cub xitj ke tal witz, aju nc'ujlalile ti'ja mlay ch'expet ex mlay ch'expet aju nyole cyaj bant ti'j cyuc'ile tu'n cytene tuj txubtxaj, chi Kman, aju at tc'u'j cyi'je.

Mi'n xoba, mlay cub tch'ixwiya ex mlay tz'oc ic'lena. C'ic'el tna'l tu'na aju tch'ixwiya tzaj tej matok k'apojxa ex mlay tzaj tna'ntla aju tch'ixwiya cub tej ttena te meba xu'j

porque aju binchante teya cjawil xu'jla'na tu'n, ex atzun tbi jlu: Kman aju Tajaw Tcyakil; aju colpil teya atzun Dios Xjan cye aj Israel, ex atzun Dios tuj tcyakil twitz tx'otx'.

Nimsa'n el tuj tjaya xbalun ex mi'n xoba tu'n t-xi tlic'pu'na ju xbalun tocxa tuj, nukpinxa mas ke tak'al ex pajo'n cu'xa mas ke stac te tzuybil te

Cxel nk'o'ne xnak'tzbil cye xjal che najal tuja ex cycyakil che tel tuj txubtxaj.

Nok tu'nju in jaw cyakpaje, o tz'el npa'n wibe te jun rat ti'ja, pero tu'nju minti' bajsbil te nc'ujlalile, ctzajel tz'e'y nc'u'je ti'ja, chi Kman aju Colpil teya.

Nok ch'in tuj cyaj ncolina, pero tu'nju at nim nxtalbile, ctzajel wi'ne juntl maj tu'n tmoje'ya wuc'ile.

Ic tza'n xi nma'ne jun nyole axix toc te Noé, tu'n mi'n tnaj juntl maj twitz tx'otx' tu'n a', icxtzun cxel nma'ne jun nyole axix toc ja'lo, tu'n mi'n ttzaj juntl maj nk'oje ti'ja, ex tu'n mi'n woc tzokpaje cyuw tu'n nyole ti'ja.

Ke tbanil abj rubí cybi che ajbel tu'n cyjaw binchet ke ja ma' cywa'l te cwentbil tnam, ke tpwertila che bantel cyi'j ke tbanil abj berilo cybi, ex aju muro c'oquel ti'ja, ti'j tbanil abj cjawil binchet.