Popular Bible Verses from Isaías 48

Share

Atzun jlu in tma'n Kman aju colpilte cyeye, aju Dios xjan cye aj Israel: Akine Dios aju Cymane, akine chin xel xnak'tzante ju ba'n tu'n tajben te cyeye, akine chin xel ẍaklunte cyeye tuj be cxel cyi'ne. Nokwit xi cynimane aju xi nma'ne cyeye, mawtlo che tene tuj txubtxaj nimxix ic tza'n jun nima nojni tu'n a', ex aju in cybincha'ne, ba'nwtlo ma tz'el cyeye ic tza'n ju a' in jaw xtulk'in tibaj mar

Akine in baj saksante cyeye, pero mya ic e tenbaye ic tza'n in tenba sak pwak, nok o'cx e ocx nk'o'ne tuj nim c'ixbisabl, mer ic tza'n tuj jun jorni.

Tu'n tlaj nbiye ma'xix toclen ma nbinchaye jlu, porque mlay wak'e ambil tu'n tyolinjtz mya ba'n wi'je. Mlay wak'e ambil tu'n tjaw nimsa'n tbi juntl te nxele, chi Dios.

Atzun cye xjal binchal mya ba'n, mlay che ten tuj txubtxaj, chi Kman.