Popular Bible Verses from Isaías 35

Share

Che ul meltz'aj ke xjal ma che colpet tu'n Kman. Che oquex tuj tnam Sión in che bitzan tuc'il tzalajbil, ex cucx che tel tuj tzalajbil. Cucx che tzalajel ex che tel tuj txubtxaj, mlay che tentl tuj bis ex mlay che ayayantl.

E toc cyipun keju ma che sict ex e toc cyipun keju minti' cyipun. Cymanxe cyja' cye keju ba'n che xob: Cyk'onc cyipune, mi'n che xobe, lu Cydiose lu tu'n cyclete, ex ke aj k'oj cyi'je cbel tk'o'n cycastiw tu'ntzun t-xelin mya ba'n o cybincha cyi'je.

Cbantel jun ninbe ma chixin ex c'oquel tbi: Aju be Xjan. Keju mya tx'jomaj tuj cyanmi ex keju miban che niman, mlay che bet tuj.

Cjaketel cywitz ke moẍ ex cbantel cybin keju chcyin cywi'

che jawil t'icpaj ke cox ic tza'n masat, ex che jawil sch'in ke men tu'n tzalajbil. Che jawitz jlet nim a' tuj lugar minti' cynajbil xjal tuj, aju tzkij tx'otx'.