Popular Bible Verses from Isaías 30

Share

Ex ka ma che'xe tuj be, ka tuj bank'abaj ex ka tuj nayaj, oc cybi'ye jun tk'ajk'ajel cyi'jtzeye in tma'n cyja': Lu ju be lu, cyxi'ye tuj.

Cyja'tzun in ayon Kman cyi'je tu'n ttzaj k'ak'an tc'u'j cyi'je, ex nimxix tajbil tu'n t-xi tyec'un tc'ujlalil cyeye, porque ate Kman jun Dios tz'aklxix. At nim tzalajbil cye cycyakil keju in ke' cyc'u'j ti'j.

Chi Kman aju Dios Xjan cye aj Israel: Ka ma che ajtz meltz'aje wuc'ile ex ka ma che cub txuleye, octzun che cletele. Ka ma che cub txuleye ex ka ma ke' cyc'u'je wi'je, octzun cyc'ma'ye cyipumale. Atzun cyeye minti' in cub tuj cywitze

Ex masque tzaj tk'o'n Kman cyeye aju c'ixbisabl ex yajbil, mlay txi tewan mastl tib cywitze aju xnak'tzal cyeye, ex oc cyila'ye cyu'n ke tbak' cywitze.

Akeye aj Sión najlkeye tuj Jerusalén: Mlay che ok'e mastl. Ctzajel tz'e'y tc'u'j Kman cyi'je oc tbinte in che sch'ine ex in che kanine onbil, ex o'cx oc cybinjtze tu'n, che tzajel tzak'we'ne tu'n.

Chi Kman in tma'n: Ay bec'bil cywitz ke c'wa'lbaj miban che bin, in cub cyximan alcye tu'n tbant cyu'n, pero minti' in tzaj cykanin weye ex in moje' jun cyyol cyuc'il mastl xjal minti' o txi nma'ne cye tu'n cybinchante, ex tu'ntzun jlu in chmet nimxix il cyu'n.