Popular Bible Verses from Isaías 25

Share

Nman, aya Ndiose; in jaw nnimsa'ne tbiya ex in chin yoline ba'n ti'ja porque ma che japun tu'na ke t-ximbetza ma'xix cyoclen, aju baj t-ximana ti'j ojtxi, axix toclen jlu ex segurxix.

Te jumajx cnajel camic tu'n Kman, c'elel t-su'n ta'l cywitz cycyakil, ex mlay cub juntl maj cych'ixwi ke xjal etzan tu'n tuj tcyakil twitz tx'otx'. Ate Kman ma k'mante jlu.

Tuj tk'ijlalil tzul ck'manjtzel cyja': Atzun Kman jlu, ti'j nno'c ke' kc'u'j ex tu'n ma ko clet. Atzun Kman jlu, ko tzalajxix tu'nju ma ko clet tu'n.

Twi witz lu c'elel ti'n Kman aju xbalun in maksinte cyi'j cycyakil tnam, tuc'ix ju xbalun lic'un cyibaj cycyakil nasyon.

Cbantel tten jun nim wa'n tu'n Kman aju Tajaw Tcyakil max twi witz Sión, te cye cycyakil nasyon; cbantel cychi' c'oc'jxix wen ex tuc'ix cyc'a vin ojtxi tbajlen bincha'n, aju mas tbanilxix.