Popular Bible Verses from Éxodo 8

Share

Ax icx oc tilil cyu'n chman tu'n cyjaw jlet xmisak tu'n cymañ, pero minti' o bant cyu'n. E oc cychmon cyib xmisak cyi'j xjal ex cyi'j alumaj. Xitzun cyma'n ke chman te Faraón cyja': —Tu'n Dios te jlu, che chi. Masque icju, pero cub tcyuwsa'n tanmi Faraón, ex minti' xi tk'o'n twi' ti'j tyol Moisés ex Aarón, ic tza'n otok tma Kman.

tzaj tma'n Kman te Moisés: —Tocxa twitz Faraón ex k'manxa te: Chi Kmane aju Kdiose cyja': Che ttzokpi'mexa ke xjal etzan wu'ne tu'n cyc'ulun weye.

Tejtzun tque'yinte Faraón otok che el k'i'n ke ẍal ex minti'tltok in yajlanjtz, cub tcyuwsa'n tanmi ex minti' xi tk'o'n twi' ti'j tyol Moisés ex Aarón, ic tza'n otok tma Kman.

Katzun mi'n ma che ex ttzokpi'na, che c'ixbiseteltzun xjal wu'ne cyu'n ẍal tuj tcyakil tx'otx' Ejipt.

Xitzun tma'n Kman te Moisés cyja': —K'manxa te Aarón tu'n t-xi tnukpi'n tcy'ako'ch, ex e tcub tpek'un tkukil tx'otx', tu'n toc te xmisak tuj tcyakil tx'otx' Ejipt.

Tbinchatzun Kman icju. Chmet nimxix xcatz tuj tja Faraón ex tuj cyja keju attok cyoclen ttxlaj, ex baj naj tcyakil tx'otx' Ejipt cyu'n xcatz.