Popular Bible Verses from Efeso 6

Share

Porque mya cyuc'il xjal in ko k'ojin, nok o'cx cyuc'il keju nejenel minti' k'ancha'l, ex cyuc'il keju at cyipumal, ex cyuc'il keju in che cawin tuj klolj twitz tx'otx', ex cyuc'il ke ju'ẍ mya ba'n ke nim cyajlal ate' twitz cya'j.

Che na'ne Dios tcyakil k'ij ic tza'n in tma'n Xewbaj Xjan, che na'ne Dios ti'j tcyakil ex che cubsane twitz Dios, che xk'ukine ex mi'n che k'ajene tu'n cycubsane twitz Dios cyi'j cycyakil ocslal.

Cyk'o'nque cyi'je tcyakilju in ajben te k'ojbil, aju ma tzaj tk'o'n Dios cyeye, tu'ntzun cywe'xixe twitz ju sbubl tu'n tajaw il.

Cyja'tzun, cytzyume tcyakilju in ajben te k'ojbil, aju in tzaj tk'o'n Dios cyeye, cyk'o'nque cyi'je tu'n tbant cywe'xixe oc tul tk'ijlalil mya ba'n, ex tu'n mi'n cyyucche oc tjapun baj tcyakil cyu'ne.

Ax icx tu'n toc ke' cyc'u'je ti'j Dios, ic tten jlu ic tza'n jun makbil tu'n cyclete ex tu'n tyupit tcyakil plech in c'ant in tzaj t-xo'n tajaw il. Ex ke' cyc'u'je ti'j ju colbil cyeye, ic tten jlu ic tza'n jun pasbil c'uxbil tu'n tjax cyk'o'ne tuj cywi'ye; ex cytzyume ju spad in tzaj tk'o'n Xewbaj Xjan, atzun tyol Diosju.

Cyja'tzun che we'xixe, cyc'alo'nc cyc'u'je tu'nju yol axix toc; che oque tz'aklxix, ic tten jlu ic tza'n jun chicyet c'uxbil nno'c cyk'o'n soldad cyi'j tu'n cyclet. Nok banin cytene tu'n cyxi'ye pacbal tkanil ba'n tu'n tbant cyten xjal tuc'il Dios, ic tten jlu ic tza'n jun soldad banin tten ex toc t-xajab.

Ja'lotzun erman, cycyuwsam cyibe tu'nju at cymojbabl cyibe tuc'il Kajaw, ex tz'ocwit cyipune tu'n tipumal nimxix.

Atzun tnejel mandamyent jlu at t-xel tu'n Dios ka ma japun: Cynimanxe cymane ex cytxuye, tu'ntzun tel ba'n cyeye ex tu'n cytene nim k'ij twitz tx'otx', chi tuj Tu'jil.

Akeye c'wa'lbaj, cynimanxe cymane ic tza'n in tma'n Kajaw, porque tuj tumelxix jlu.