Popular Bible Verses from Efeso 1

Share

Ex in xi nkanine te Dios tu'n ttzaj t-spic'ba'n tuj cynable tu'n tel cynic'e ti'j ju ctzajel tk'o'n Dios cyeye tuj cya'j tu'nju ma che txconjtze tu'n, ex waje tu'n tel cynic'e ti'j ju etzbil nimxix ex tbanilxix ctzajel tk'o'n Dios cye ocslal, ex tu'n tel cynic'e ti'j tipumal nimxix, aju ma tzaj tk'o'n ke ex tu'n tajben ke, ako' ma ko ocslan. Junx ta' tipumal ma tzaj tk'o'n ke ic tza'n tipumal tej tjatz ank'in Crist tu'n cyxol cyimni ex xi tma'n tu'n tcub ke' ttxlaj tuj bank'abaj tuj cya'j, ex tu'n tten mas toclen cyibaj cycyakil ke nejenel ex keju at cyoclen ex keju at cyipumal ex keju in che cawin, ex mas at toclen tbi twitz cybi cycyakil, mya nok o'cx tuj tk'ijlalil ja'lo, ax icx tuj tk'ijlalil tzul.

Cyja'tzun o ko jaw t-sc'o'n atxix na'nxtok tbant twitz tx'otx', tu'n kten tuc'il Crist, tu'n kajben o'cx te, ex tu'n kten twitz minti' ch'in tz'il ki'j. Tu'n tc'ujlalil Dios cub t-ximan atxix ojtxi tu'n koc te tc'wa'l nok tu'n Jesucrist, cub t-ximan icju porque ba'n ela tuj twitz.

Nok tu'n Crist ma ko colpet tu'nju tchc'el, ex ma najset kil tu'nju t-xtalbil nimxix.

Nimanxwit tbi Dios, aju Tdios Kajaw Jesucrist ex Tman, porque ma ko cub tcy'iwla'n; tcyakilju cy'iwbil at tuj cya'j ma tzaj tk'o'n Xewbaj Xjan ke tu'nju at kmojbabl kib tuc'il Crist.